Gossips
മോഹന്‍ലാല്‍-ടിനു പാപ്പച്ചന്‍ ചിത്രം ഉപേക്ഷിച്ചോ?
അജഗജാന്തരത്തിനു ശേഷം ടിനു പാപ്പച്ചന്‍ സംവിധാനം ചെയ്യുന്ന പുതിയ ചിത്രത്തില്‍ കുഞ്ചാക്കോ ബോബനാണ് നായകനായി എത്തുന്നത്. ആന്റണി വര്‍ഗ്ഗീസും അര്‍ജുന്‍ അശോകനും ചിത്രത്തില്‍ പ്രധാന വേഷങ്ങളിലെത്തുന്നുണ്ട്. ഈ സിനിമ പ്രഖ്യാപിച്ചതു മുതല്‍ ആരാധകര്‍ വലിയ സംശയത്തിലാണ്. മോഹന്‍ലാലിനെ നായകനാക്കി ടിനു പാപ്പച്ചന്‍ സംവിധാനം ചെയ്യുന്ന സിനിമ വരുമോ?
മോഹന്‍ലാലിനെ നായകനാക്കി ഒരു കംപ്ലീറ്റ് ആക്ഷന്‍ മൂവി ചെയ്യാന്‍ ടിനു പാപ്പച്ചന്‍ തീരുമാനിച്ചതായി നേരത്തെ റിപ്പോര്‍ട്ടുകളുണ്ടായി. ഇതേ കുറിച്ച് ഔദ്യോഗിക പ്രഖ്യാപനങ്ങളൊന്നും വന്നിട്ടില്ലെങ്കിലും ഈ വാര്‍ത്ത കേട്ടത് മുതല്‍ ആരാധകര്‍ വലിയ ആവേശത്തിലായിരുന്നു. എന്നാല്‍ ഈ പ്രൊജക്ടിനെ കുറിച്ച് യാതൊരു പ്രഖ്യാപനവും ഇല്ലാതെ കുഞ്ചാക്കോ ബോബനെ നായകനാക്കിയുള്ള പുതിയ ചിത്രം ടിനു പാപ്പച്ചന്‍ പ്രഖ്യാപിക്കുകയായിരുന്നു.
Mohanlal (12th Man)
പുതിയ ചിത്രത്തിനായി ടിനു പാപ്പച്ചന്‍ മോഹന്‍ലാലിനെ സമീപിക്കുകയും മോഹന്‍ലാല്‍ യെസ് പറയുകയും ചെയ്തിരുന്നെന്നാണ് റിപ്പോര്‍ട്ട്. എന്നാല്‍ കുറച്ച് കൂടി കാത്തിരിക്കണമെന്ന് ടിനുവിനോട് മോഹന്‍ലാല്‍ പറയുകയായിരുന്നു. നേരത്തെ കമ്മിറ്റ് ചെയ്ത ഏതാനും ചിത്രങ്ങള്‍ പൂര്‍ത്തിയായ ശേഷം ടിനു പാപ്പച്ചന്‍ സിനിമ ചെയ്യാന്‍ മോഹന്‍ലാല്‍ തയ്യാറാകുമെന്നാണ് വിവരം. ഈ ഇടവേളയിലാണ് കുഞ്ചാക്കോ ബോബന്‍ ചിത്രം പൂര്‍ത്തിയാക്കുന്നത്.
