latest news
‘നിങ്ങളിലെ തീപ്പൊരി മങ്ങാന്‍ അനുവദിക്കരുത്’; പുതിയ ചിത്രവുമായി കനിഹ
പുതിയ ചിത്രം പങ്കുവെച്ച് നടി കനിഹ. ആത്മവിശ്വാസം ഉണര്‍ത്തുന്ന വരികള്‍ കുറിച്ചുകൊണ്ടാണ് താരം പുതിയ ചിത്രം പങ്കുവെച്ചത്.
View this post on Instagram
‘ നീന്തിക്കൊണ്ടിരിക്കുക !! തളരാതെയാണ് ഇത്രയും ദൂരം എത്തിയതെന്ന് സ്വയം ഓര്‍മിപ്പിക്കുക..നിങ്ങളിലെ തീപ്പൊരി ഊതിക്കെടുത്താന്‍ ആരെയും അനുവദിക്കരുത്. ഞാന്‍ എന്നെത്തന്നെ ആശ്ലേഷിക്കുന്നു’ കനിഹ കുറിച്ചു.
View this post on Instagram
കഴിഞ്ഞ ദിവസമാണ് കനിഹ തന്റെ 40-ാം ജന്മദിനം ആഘോഷിച്ചത്. സൂപ്പര്‍താരങ്ങളായ മമ്മൂട്ടി, മോഹന്‍ലാല്‍, സുരേഷ് ഗോപി, ജയറാം തുടങ്ങിയവരുടെയെല്ലാം നായികയായി അഭിനയിക്കാന്‍ കനിഹയ്ക്ക് ഭാഗ്യം ലഭിച്ചിട്ടുണ്ട്. ദിലീപിനൊപ്പവും കനിഹ അഭിനയിച്ചിട്ടുണ്ട്.
View this post on Instagram
1982 ജൂലൈ മൂന്നിനാണ് കനിഹയുടെ ജനനം. പ്രായം നാല്‍പ്പതായെങ്കിലും ലുക്കില്‍ ഇന്നും ആരാധകരെ ഞെട്ടിക്കുന്ന താരം കൂടിയാണ് കനിഹ. സോഷ്യല്‍ മീഡിയയില്‍ വളരെ സജീവ സാന്നിധ്യമാണ് കനിഹ. താരം പങ്കുവയ്ക്കുന്ന ചിത്രങ്ങളെല്ലാം സോഷ്യല്‍ മീഡിയയില്‍ വലിയ രീതിയില്‍ ശ്രദ്ധിക്കപ്പെടാറുണ്ട്.
View this post on Instagram
2009 ല്‍ പുറത്തിറങ്ങിയ സത്യന്‍ അന്തിക്കാട് ചിത്രം ഭാഗ്യദേവതയിലൂടെയാണ് കനിഹ മലയാളത്തില്‍ ശ്രദ്ധിക്കപ്പെടുന്നത്. അതേവര്‍ഷം തന്നെ മമ്മൂട്ടിയുടെ ബ്രഹ്മാണ്ഡ ചിത്രം പഴശിരാജയില്‍ കനിഹ അഭിനയിച്ചു. ദ്രോണ, മൈ ബിഗ് ഫാദര്‍, കോബ്ര, ക്രിസ്റ്റ്യന്‍ ബ്രദേഴ്‌സ്, സ്പിരിറ്റ്, ബാവൂട്ടിയുടെ നാമത്തില്‍, ഹൗ ഓള്‍ഡ് ആര്‍ യു, അബ്രഹാമിന്റെ സന്തതികള്‍, മാമാങ്കം, സിബിഐ 5 – ദ ബ്രെയ്ന്‍ തുടങ്ങി ഒട്ടേറെ ചിത്രങ്ങളില്‍ താരം അഭിനയിച്ചിട്ടുണ്ട്.
