latest news
റോഷാക്ക് ഷൂട്ടിങ് പുരോഗമിക്കുന്നു; മമ്മൂട്ടി ഇനി ബി.ഉണ്ണികൃഷ്ണന്റെ സിനിമയിലേക്ക്
Published on
കെട്ട്യോളാണ് എന്റെ മാലാഖ എന്ന സൂപ്പര്‍ഹിറ്റ് ചിത്രത്തിനു ശേഷം നിസാം ബഷീര്‍ സംവിധാനം ചെയ്യുന്ന റോഷാക്കിന്റെ ഷൂട്ടിങ് പുരോഗമിക്കുന്നു. ഈ ആഴ്ച കൂടിയാണ് ഷൂട്ടിങ് ഉണ്ടാകുക. മെഗാസ്റ്റാര്‍ മമ്മൂട്ടി കേന്ദ്ര കഥാപാത്രത്തെ അവതരിപ്പിക്കുന്ന റോഷാക്കിനെ കുറിച്ച് കൂടുതല്‍ വിവരങ്ങളൊന്നും അണിയറ പ്രവര്‍ത്തകര്‍ പുറത്തുവിട്ടിട്ടില്ല.
Mammootty and B.Unnikrishnan
റോഷാക്ക് ഷൂട്ടിങ് പൂര്‍ത്തിയായാല്‍ ബി.ഉണ്ണികൃഷ്ണന്‍ സംവിധാനം ചെയ്യുന്ന ഇന്‍വസ്റ്റിഗേഷന്‍ ത്രില്ലറില്‍ മമ്മൂട്ടി അഭിനയിക്കുമെന്നാണ് വിവരം. ഉദയകൃഷ്ണയുടേതാണ് തിരക്കഥ. മമ്മൂട്ടി പൊലീസ് ഓഫീസറുടെ വേഷത്തിലാണ് ഈ ചിത്രത്തില്‍ അഭിനയിക്കുകയെന്ന് റിപ്പോര്‍ട്ടുകളുണ്ട്. യഥാര്‍ഥ സംഭവത്തെ ആസ്പദമാക്കിയാണ് ചിത്രത്തിന്റെ കഥ.
