Reviews
കമല്‍ഹാസന്റെ പൂണ്ടുവിളയാട്ടം; ‘വിക്രം’ ഗംഭീരമെന്ന് റിപ്പോര്‍ട്ട്
പ്രേക്ഷകരുടെ പ്രതീക്ഷകള്‍ കാത്ത് ലോകേഷ് കനകരാജ് ചിത്രം വിക്രം. കമല്‍ഹാസന്‍ നായകനായ വിക്രം ഇന്നാണ് തിയറ്ററുകളില്‍ റിലീസ് ചെയ്തത്. സിനിമ ഗംഭീരമെന്ന റിപ്പോര്‍ട്ടുകളാണ് ആദ്യ പകുതിക്ക് ശേഷം പുറത്തുവരുന്നത്.
ഉലകനായകന്‍ കമല്‍ഹാസന്റെ പൂണ്ടുവിളയാട്ടമാണ് വിക്രമില്‍ കാണുന്നതെന്ന് ആരാധകര്‍ കമന്റ് ചെയ്യുന്നു. എല്ലാതരം പ്രേക്ഷകരേയും തൃപ്തിപ്പെടുത്തുന്ന കലക്കന്‍ മാസ് ചിത്രമെന്നാണ് ആദ്യ പ്രതികരണം. ക്വാളിറ്റി മേക്കിങ്ങും അടിമുടി സസ്‌പെന്‍സുമാണ് സിനിമയെ മികച്ചതാക്കുന്ന ആദ്യ ഘടകം.
കമല്‍ഹാസനൊപ്പം വിജയ് സേതുപതി, ഫഹദ് ഫാസില്‍, സൂര്യ എന്നിവരും വിക്രത്തില്‍ അഭിനയിച്ചിട്ടുണ്ട്. ഇതില്‍ ഫഹദിന്റെ പ്രകടനം എടുത്തുപറയേണ്ടതാണ്. ആദ്യ പകുതിയില്‍ ഫഹദിന്റെ ആറാട്ടാണ് കാണാന്‍ സാധിച്ചതെന്നും ആരാധകര്‍ പറയുന്നു. അങ്ങേയറ്റം രോമാഞ്ചം തരുന്ന ഇന്റര്‍വെല്‍ ബ്ലോക്ക് സിനിമയെ വേറെ ലെവല്‍ ആക്കുന്നു.
കേരളത്തിലെ തിയറ്ററുകളില്‍ പോലും ഗംഭീര പ്രതികരണമാണ് സിനിമയ്ക്ക് ലഭിച്ചുകൊണ്ടിരിക്കുന്നത്. അടിമുടി ഒരു ഫാന്‍ ബോയ് ചിത്രമെന്നാണ് പലരും വിക്രത്തെ വിശേഷിപ്പിക്കുന്നത്. ലോകേഷ് കനകരാജ് രചനയും സംവിധാനവും നിര്‍വ്വഹിച്ച ‘വിക്രം’ ആക്ഷന്‍ എന്റര്‍ടെയ്നറാണ്. രത്നകുമാറും ലോകേഷ് കനകരാജും ചേര്‍ന്നാണ് സംഭാഷണങ്ങള്‍ എഴുതിയിരിക്കുന്നത്.
