വമ്പന്‍ റിലീസുകള്‍; ആര് നേടും? തിയറ്ററുകളിലെത്തുന്ന ചിത്രങ്ങള്‍ ഇതെല്ലാം

സൂപ്പര്‍താര ചിത്രങ്ങള്‍ റിലീസിന് ഒരുങ്ങുന്നു. മമ്മൂട്ടി, പൃഥ്വിരാജ്, ജയറാം എന്നിവരുടെ സിനിമകളാണ് അടുത്ത ഒരാഴ്ചയ്ക്കുള്ളില്‍ തിയറ്ററുകളിലെത്തുക. ആരാധകര്‍ ഏറെ പ്രതീക്ഷകളോടെ കാത്തിരിക്കുന്ന സിനിമകളാണ് എല്ലാം.

പൃഥ്വിരാജും സുരാജ് വെഞ്ഞാറമൂടും നായകന്‍മാരാകുന്ന ‘ജനഗണമന’ ഏപ്രില്‍ 28 വ്യാഴാഴ്ച റിലീസ് ചെയ്യും. ഡിജോ ജോസ് ആന്റണിയാണ് ‘ജനഗണമന’ സംവിധാനം ചെയ്തിരിക്കുന്നത്.

Mammootty, CBI 5

ഏപ്രില്‍ 29 വെള്ളിയാഴ്ച ജയറാം, മീര ജാസ്മിന്‍ എന്നിവരെ കേന്ദ്ര കഥാപാത്രങ്ങളാക്കി സത്യന്‍ അന്തിക്കാട് സംവിധാനം ചെയ്ത ‘മകള്‍’ തിയറ്ററുകളിലെത്തും.

മേയ് 1 ഞായറാഴ്ച സിബിഐ 5 – ദ ബ്രെയ്ന്‍ റിലീസ് ചെയ്യും. സേതുരാമയ്യര്‍ സിബിഐ എന്ന ഐക്കോണിക് കഥാപാത്രമായി മമ്മൂട്ടി അഞ്ചാം തവണ എത്തുമ്പോള്‍ ആരാധകരും ഏറെ പ്രതീക്ഷയിലാണ്. എസ്.എന്‍.സ്വാമിയുടെ തിരക്കഥയില്‍ കെ.മധുവാണ് ചിത്രം സംവിധാനം ചെയ്തിരിക്കുന്നത്.