Videos
ഈ വരവ് രാജകീയം; വൈറലായി മിനി കൂപ്പറില്‍ ലാലേട്ടന് വന്നിറങ്ങുന്ന വീഡിയോ
റിയല്‍ ലൈഫില്‍ മോഹന്‍ലാല്‍ ഡ്രൈവ് ചെയ്യുന്ന വീഡിയോ ആരാധകര്‍ പോലും അധികം കണ്ടുകാണില്ല. പൊതുവെ ഡ്രൈവറെ വച്ചാണ് മോഹന്‍ലാല്‍ കൂടുതലും യാത്ര ചെയ്യുക.
ലാലേട്ടന് വാഹനങ്ങള്‍ നിരവധിയുണ്ടെങ്കിലും അവയെല്ലാം വിശ്വസ്തരായ ഡ്രൈവര്‍മാരാണ് ഓടിക്കുക. എന്നാല്‍ ഇത്തവണ സ്‌റ്റൈലന്‍ ലുക്കില്‍ വാഹനം ഡ്രൈവ് ചെയ്തുവരുന്ന ലാലേട്ടന്റെ വീഡിയോയാണ് സോഷ്യല്‍ മീഡിയയില്‍ വൈറലായിരിക്കുന്നത്.
മിനി കൂപ്പര്‍ ഡ്രൈവ് ചെയ്തുവരുന്ന ലാലേട്ടനെ വീഡിയോയില്‍ കാണാം. സുഹൃത്തും ബിസിനസുകാരനുമായ സമീര്‍ ഹംസയുടെ മിനി കൂപ്പര്‍ ജോണ്‍ കൂപ്പര്‍ വര്‍ക്‌സാണ് താരം ഡ്രൈവ് ചെയ്യുന്നത്. മോഹന്‍ലാല്‍ ആദ്യമായി സംവിധാനം ചെയ്യുന്ന ചിത്രം ബറോസിന്റെ ലോക്കേഷനിലേക്കാണ് വാഹനമോടിച്ചെത്തിയത്. കൊച്ചിയിലാണ് ചിത്രത്തിന്റെ ആദ്യ ഷെഡ്യൂള്‍ ചിത്രീകരണം നടക്കുന്നത്.
View this post on Instagram
മിനി സ്‌റ്റൈലിഷ് പതിപ്പാണ് ജോണ്‍കൂപ്പര്‍ വര്‍ക്‌സ്. രണ്ട് ലീറ്റര്‍ എന്‍ജിനുള്ള വാഹനത്തിന്റെ കരുത്ത് 231 എച്ച്പിയാണ്. പൂജ്യത്തില്‍ നിന്ന് 100 കിലോമീറ്റര്‍ വേഗം കൈവരിക്കാന്‍ 6.1 സെക്കന്‍ഡ് മാത്രം മതി ഈ വാഹനത്തിന്.
