latest news
മോണ്‍സ്റ്റര്‍ റിലീസ് ചെയ്യുക ഡിസ്‌നി ഹോട് സ്റ്റാറില്‍; റിലീസ് ഡേറ്റ് ഇതാ
Published on
മോഹന്‍ലാല്‍ ചിത്രം മോണ്‍സ്റ്റര്‍ ഒ.ടി.ടി. പ്ലാറ്റ്‌ഫോമില്‍ റിലീസ് ചെയ്യും. ഉദയകൃഷ്ണയുടെ തിരക്കഥയില്‍ വൈശാഖ് സംവിധാനം ചെയ്യുന്ന മോണ്‍സ്റ്റര്‍ ഏപ്രില്‍ എട്ടിന് ഡിസ്‌നി ഹോട് സ്റ്റാറിലാണ് റിലീസ് ചെയ്യുക.
പുലിമുരുകന് ശേഷം മോഹന്‍ലാലും വൈശാഖും ഒന്നിക്കുന്ന മോണ്‍സ്റ്ററില്‍ ലക്കിസിങ് എന്ന കഥാപാത്രത്തെയാണ് മോഹന്‍ലാല്‍ അവതരിപ്പിക്കുന്നത്. പുലിമുരുകന്, ആറാട്ട് എന്നീ ചിത്രങ്ങള്‍ക്ക് ശേഷം ഉദയകൃഷ്ണ മോഹന്‍ലാല്‍ ചിത്രത്തിനു വേണ്ടി രചന നിര്‍വഹിക്കുന്ന ചിത്രമാണ് മോണ്‍സ്റ്റര്‍.
Mohanlal-Monster
ലക്ഷ്മി മഞ്ചു ആണ് മോണ്‍സ്റ്ററില്‍ മോഹന്‍ലാലിന്റെ നായിക. ഹണിറോസ്, ലെന, സുദേവ് നായര്‍ തുടങ്ങി വന്‍താരനിര ചിത്രത്തില്‍ അണിനിരന്നിട്ടുണ്ട്. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് മോണ്‍സ്റ്റര്‍ നിര്‍മ്മിച്ചിരിക്കുന്നത്.
