Gossips
ആരാധകര്‍ക്ക് നിരാശ; മോഹന്‍ലാല്‍-പ്രിയദര്‍ശന്‍ ചിത്രം ഉപേക്ഷിച്ചതായി റിപ്പോര്‍ട്ട്
Published on
ആരാധകര്‍ ഏറെ പ്രതീക്ഷയോടെ കാത്തിരിക്കുന്ന മോഹന്‍ലാല്‍-പ്രിയദര്‍ശന്‍ ചിത്രം ഉപേക്ഷിച്ചതായി റിപ്പോര്‍ട്ട്. മോഹന്‍ലാലിനെ നായകനാക്കി ബോക്‌സിങ് പശ്ചാത്തലത്തില്‍ സിനിമ ചെയ്യാന്‍ പ്രിയദര്‍ശന്‍ തീരുമാനിച്ചിരുന്നു. ഈ സിനിമയാണ് ഉപേക്ഷിച്ചതെന്നാണ് റിപ്പോര്‍ട്ട്.
പ്രിയദര്‍ശന്‍ ചിത്രത്തിനായി മോഹന്‍ലാല്‍ ബോക്‌സിങ് പരിശീലനം നടത്തുന്ന വീഡിയോയും ചിത്രങ്ങളും നേരത്തെ പുറത്തുവന്നിരുന്നു. വന്‍ ബജറ്റിലാണ് ഈ ചിത്രം ഒരുക്കുകയെന്നും റിപ്പോര്‍ട്ടുകളുണ്ടായിരുന്നു.
Mohanlal
ബറോസിന് ശേഷം പ്രിയദര്‍ശന്‍-മോഹന്‍ലാല്‍ ചിത്രം ചെയ്യാനായിരുന്നു ആശിര്‍വാദ് സിനിമാസിന്റെ തീരുമാനം. എന്നാല്‍, ചില പ്രശ്‌നങ്ങള്‍ നേരിട്ടതിനാലാണ് സിനിമ ഉപേക്ഷിച്ചത്. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് പ്രിയദര്‍ശന്‍ ചിത്രം നിര്‍മിക്കുമെന്ന് അറിയിച്ചിരുന്നത്.
