latest news
തിയറ്ററില്‍ പ്രേക്ഷകന്റെ ക്ഷമ പരീക്ഷിച്ച അഞ്ച് ദിലീപ് ചിത്രങ്ങള്‍
നിരവധി സൂപ്പര്‍ഹിറ്റ് സിനിമകള്‍ മലയാളത്തിനു സമ്മാനിച്ച നടനാണ് ദിലീപ്. എന്നാല്‍, ജനപ്രിയ നായകന്റെ കരിയറില്‍ ഒട്ടേറെ മോശം സിനിമകളുമുണ്ട്. അത്തരത്തില്‍ പ്രേക്ഷകന്റെ ക്ഷമയെ പരീക്ഷിച്ച അഞ്ച് ദിലീപ് ചിത്രങ്ങള്‍ ഏതൊക്കെയെന്ന് നോക്കാം
1. വാര്‍ ആന്റ് ലൗ
വിനയന്‍ സംവിധാനം ചെയ്ത് 2003 ല്‍ പുറത്തിറങ്ങിയ ചിത്രമാണ് വാര്‍ ആന്റ് ലൗ. ഇന്ത്യ-പാക്കിസ്ഥാന്‍ മിലിട്ടറി ബന്ധമാണ് സിനിമ.ില്‍ പ്രതിപാദിച്ചിരിക്കുന്നത്. ദിലീപ് പട്ടാളക്കാരന്റെ വേഷത്തിലെത്തിയ ചിത്രം എല്ലാ അര്‍ത്ഥത്തിലും പ്രേക്ഷകരെ നിരാശപ്പെടുത്തി.
2. വില്ലാളി വീരന്‍
തിയറ്ററുകളില്‍ ആദ്യ ഷോയ്ക്ക് തന്നെ പ്രേക്ഷകര്‍ കൂവി സ്വീകരിച്ച ദിലീപ് ചിത്രമാണ് വില്ലാളി വീരന്‍. 2014 ലാണ് സിനിമ റിലീസ് ചെയ്തത്. സിദ്ധാര്‍ത്ഥന്‍ എന്ന ദിലീപിന്റെ കഥാപാത്രം പ്രേക്ഷകരെ നിരാശപ്പെടുത്തി. ചിത്രത്തിലെ തമാശ രംഗങ്ങളൊന്നും പ്രേക്ഷകരെ രസിപ്പിച്ചില്ല.
3. വെല്‍ക്കം ടു സെന്‍ട്രല്‍ ജയില്‍
സുന്ദര്‍ദാസ് സംവിധാനം ചെയ്ത വെല്‍ക്കം ടു സെന്‍ട്രല്‍ ജയില്‍ 2016 ലാണ് റിലീസ് ചെയ്തത്. ഉണ്ണിക്കുട്ടന്‍ എന്നാണ് ദിലീപിന്റെ കഥാപാത്രത്തിന്റെ പേര്. സിനിമയിലെ തമാശ രംഗങ്ങളൊന്നും വര്‍ക്കൗട്ട് ആയില്ല.
Dileep
4. നാടോടി മന്നന്‍
വിജി തമ്പി സംവിധാനം ചെയ്ത നാടോടി മന്നന്‍ 2013 ലാണ് റിലീസ് ചെയ്തത്. പത്മനാഭന്‍ എന്ന നഗരപിതാവിന്റെ വേഷത്തിലാണ് ദിലീപ് എത്തിയത്. ദിലീപിന്റെ കഥാപാത്രം എല്ലാ അര്‍ത്ഥത്തിലും പ്രേക്ഷകരെ നിരാശപ്പെടുത്തി.
5. മോസ് ആന്റ് ക്യാറ്റ്
സൂപ്പര്‍ഹിറ്റുകളുടെ സംവിധായകന്‍ ഫാസിലിനൊപ്പം ദിലീപ് ഒന്നിക്കുമ്പോള്‍ മികച്ചൊരു സിനിമ പ്രതീക്ഷിച്ച പ്രേക്ഷകര്‍ക്കുള്ള ഇരുട്ടടിയായിരുന്നു മോസ് ആന്റ് ക്യാറ്റ്. 2009 ലാണ് ചിത്രം റിലീസ് ചെയ്തത്.
