latest news
രാശിയില്ലെന്ന് പറഞ്ഞ് മലയാള സിനിമ തള്ളിയ നടിയാണ് വിദ്യ ബാലന്‍ !
ഇന്ത്യന്‍ സിനിമയില്‍ ഏറെ ചര്‍ച്ച ചെയ്യപ്പെട്ട നടിയാണ് വിദ്യ ബാലന്‍. ഒരേസമയം ഗ്ലാമറസ് റോളുകളിലൂടെയും കരുത്തുള്ള കഥാപാത്രങ്ങളിലൂടെയും വിദ്യ ആരാധകരെ ഞെട്ടിച്ചിട്ടുണ്ട്. മലയാളത്തില്‍ അരങ്ങേറ്റം കുറിക്കേണ്ട നടിയായിരുന്നു വിദ്യ ബാലന്‍. എന്നാല്‍, രാശിയില്ലാത്ത നടിയാണെന്ന് പറഞ്ഞ് മലയാള സിനിമ വിദ്യയെ തട്ടി കളയുകയാണ് ചെയ്തത്.
മോഹന്‍ലാല്‍ ചിത്രത്തിലൂടെയാണ് വിദ്യ അരങ്ങേണ്ടിയിരുന്നത്. ലോഹിതദാസ് ചിത്രം ചക്രം ആയിരുന്നു ആ സിനിമ. മോഹന്‍ലാലും ദിലീപും വിദ്യ ബാലനും കേന്ദ്ര കഥാപാത്രങ്ങളാകുന്ന രീതിയിലാണ് ലോഹിതദാസ് ആദ്യം ചക്രം തുടങ്ങിയത്. എന്നാല്‍, ആദ്യ ഷെഡ്യൂളിന് ശേഷം സിനിമ നിലച്ചു. അരങ്ങേറ്റ ചിത്രം തന്നെ പൂര്‍ത്തിയാക്കാന്‍ കഴിയാത്ത നടിയെന്ന് വിദ്യയെ മലയാള സിനിമാ ലോകം പരിഹസിച്ചു.
Vidya Balan
മോഹന്‍ലാലിനേയും ദിലീപിനേയും വിദ്യ ബാലനേയും വച്ച് പൂര്‍ത്തിയാക്കാന്‍ കഴിയാതെ പോയ സിനിമ പിന്നീട് ലോഹിതദാസ് പൂര്‍ത്തിയാക്കി. 2003 ലാണ് ചക്രം എന്ന പേരില്‍ പൃഥ്വിരാജ് ചിത്രം പുറത്തിറങ്ങുന്നത്. പൃഥ്വിരാജ്, വിജീഷ്, മീരാ ജാസ്മിന്‍ എന്നിവരായിരുന്നു കേന്ദ്ര കഥാപാത്രങ്ങള്‍.
മോഹന്‍ലാല്‍ ചെയ്യേണ്ട വേഷം പൃഥ്വിരാജും ദിലീപ് ചെയ്യേണ്ട വേഷം വിജീഷും വിദ്യ ബാലന്‍ ചെയ്യേണ്ട വേഷം മീരാ ജാസ്മിനും അഭിനയിച്ചു.
