Gossips
ദുല്‍ഖറിന്റേയും അമാലിന്റേയും അറേഞ്ചഡ് മാരേജ് ആയിരുന്നില്ല ! അതിനുള്ളില്‍ ഒരു പ്രണയമുണ്ട്
മലയാളികള്‍ക്ക് ഏറെ ഇഷ്ടപ്പെട്ട നടനാണ് ദുല്‍ഖര്‍ സല്‍മാന്‍. സിനിമയിലേക്ക് എത്തും മുന്‍പ് തന്നെ ദുല്‍ഖറിന്റെ വിവാഹം കഴിഞ്ഞിരുന്നു. സിനിമയിലേക്ക് പോകും മുന്‍പ് വിവാഹം നടത്തണമെന്ന് വാപ്പച്ചിക്ക് നിര്‍ബന്ധമുണ്ടായിരുന്നെന്ന് ദുല്‍ഖര്‍ പലയിടത്തും പറഞ്ഞിട്ടുണ്ട്. അമാല്‍ സുഫിയയാണ് ദുല്‍ഖര്‍ സല്‍മാന്റെ ജീവിതപങ്കാളി.
ദുല്‍ഖറിന്റേയും അമാലിന്റേയും അറേഞ്ചഡ് മാരേജ് ആയിരുന്നെന്നാണ് വാര്‍ത്ത. എന്നാല്‍, അതിനുള്ളില്‍ ചെറിയയൊരു പ്രണയവും ഉണ്ടായിരുന്നെന്ന് ദുല്‍ഖര്‍ തന്നെ പില്‍ക്കാലത്ത് വെളിപ്പെടുത്തിയിട്ടുണ്ട്. ദുല്‍ഖറും അമാലും ഒരേ സ്‌കൂളിലാണ് പഠിച്ചത്. എന്നാല്‍, ആ സമയത്ത് ഇരുവര്‍ക്കും പരസ്പരം അറിയില്ലായിരുന്നു. തന്റെ വിവാഹം അറേഞ്ചഡ് കം ലൗ ആണെന്നാണ് ദുല്‍ഖര്‍ പറയുന്നത്.
Dulquer and Amal
യുഎസില്‍ നിന്ന് പഠനം കഴിഞ്ഞ് വന്നപ്പോള്‍ വീട്ടില്‍ ദുല്‍ഖറിനായി വിവാഹ ആലോചനകള്‍ തുടങ്ങി. ആദ്യമൊക്കെ ആലോചനകളില്‍ നിന്ന് ഒളിച്ചോടുകയായിരുന്നു ദുല്‍ഖര്‍ ചെയ്തിരുന്നത്. സ്‌കൂളില്‍ ഒപ്പം പഠിച്ച അമാലുമായും ആലോചന വന്നു. അതിനിടയിലാണ് ഒരു നിമിത്തം പോലെ പോകുന്ന സ്ഥലത്തൊക്കെ അമാലിനെ കാണാന്‍ തുടങ്ങിയത്.
ഒരിക്കല്‍ സിനിമയ്ക്ക് പോയപ്പോള്‍ അവിടെയും ദുല്‍ഖര്‍ അമാലിനെ കണ്ടുമുട്ടി. ഒടുവില്‍ ഇരുവരും സൗഹൃദത്തിലായി. അമാലിനെ കുറിച്ച് ദുല്‍ഖര്‍ ആദ്യം പറയുന്നത് ഉമ്മച്ചി സുല്‍ഫത്തിനോടാണ്. വാപ്പച്ചിയോട് പറയാന്‍ ദുല്‍ഖറിന് ചമ്മലായിരുന്നു. പിന്നീട് അമാലിന്റെയും ദുല്‍ഖറിന്റെയും വീട്ടുകാര്‍ പരസ്പരം കാണുകയും വിവാഹം ഉറപ്പിക്കുകയും ചെയ്തു. അമാലിനും ദുല്‍ഖറിനോട് ഇഷ്ടമായിരുന്നു. അങ്ങനെ ഇരു വീട്ടുകാരുടെയും അനുഗ്രഹത്തോടെയാണ് വിവാഹം നടന്നത്. ദുല്‍ഖറിനേക്കാള്‍ അഞ്ച് വയസ് കുറവാണ് അമാലിന്.
